უმცროსი ბორჯღალოსნები ხვალ ნაშუადღევს, ჩვენი დროით 14 საათზე იტალიაში, პარმაში, 18-წლამდელთა ექვსი ერის ფესტივალის გახსნით მატჩში შოტლანდიას ეთამაშებიან.
შეხვედრა „სტად სერჯიო ლანფრანკიზე“ გაიმართება, რომელიც 3 600 მაყურებელს იტევს.
ჩვენი გუნდის სამწვრთნელო შტაბმა უკვე დაასახელა სამატჩო შემადგენლობა. შეგახსენებთ, 18-წლამდელთა ფესტივალზე შეცვლები ულიმიტოა და უკვე შეცვლილ მოთამაშეს ნებისმიერ დროს შეუძლია მოედანზე დაბრუნება, განაცხადში მყოფი ყველა მოთამაშე კი, ფესტივალის ფარგლებში გასამართი სამი თამაშიდან მინიმუმ ერთში, სასტარტო შემადგენლობაში უნდა იყოს.
იტალიაში ჩასვლამდე უმცროსმა ბორჯღალოსნებმა ბოლო საკონტროლო მატჩი საფრანგეთში, ‘ლიონის’ თანატოლთა გუნდთან გამართა და 36:7 გაიმარჯვა. იმ შეხვედრის შემდეგ ზურაბ ამონაშვილმა სასტარტო შემადგენლობაში ორი ცვლილება განახორციელა – ბურჯებად თამაშს არჩილ ნოზაძე და გიორგი ტურაშვილი იწყებენ.
კვაჭის პოზიციაზე ადგილი შეინარჩუნა ანრი შველიძემ. უცვლელია მეორე და მესამე ხაზი – დავით ბარამია, ნიკოლოზ ჩხორთოლია, ლუკა გაბუნია, ლუკა საღინაძე და მიხეილ შიოშვილი. ღერძს თემურ ძოძუაშვილის და გიგი სირბილაძის დუეტი იწყებს. ცენტრში დავით ბარბაქაძე იოანე ბასილაიას შეუწყვილდება, ფრთებზე დათა ახვლედიანს და გიგა ყიფშიძეს ვიხილავთ, ხოლო ფულბეკი ნიკოლოზ ხალვაში იქნება.
შეცვლაზე არიან და ჩვენს გუნდს გააძლიერებენ დავით არჩვაძე, ლევან ეზიეშვილი, ნიკა კუმარიტოვი, გიორგი მეფარიშვილი, იკა კვარაცხელია, დავით წიკლაური, ლუკა თვაური, საბა შარვაშიძე, ლეონიდე სალდაძე, გიორგი არძენაძე და თორნიკე ტორაძე.
ექვსი ერის ფესტივალზე უმცროსი ბორჯღალოსნები შოტლანდიის გარდა საფრანგეთს (3 აპრილი) და ინგლისს (7 აპრილი) ეთამაშებიან.
18-წლამდელთა ექვსი ერის ფესტივალი. 30 მარტი
პარმა (იტალია). სტად სერჯიო ლანფრანკი. 14:00 (საქ. დრო)
საქართველო – შოტლანდია
საქართველო:
ხაზი: 15. ნიკოლოზ ხალვაში (ლელო), 14. გიგა ყიფშიძე (ხვამლი), 13. იოანე ბასილაია (ლელო), 12. დავით ბარბაქაძე (არმია), 11. დათა ახვლედიანი (ლელო), 10. გიგი სირბილაძე (ლელო), 9. თემურ ძოძუაშვილი (აია);
შერკინება: 1. არჩილ ნოზაძე (ყოჩები), 2. ანრი შველიძე (ბრივი), 3. გიორგი ტურაშვილი (ისფვიჩი), 4. დავით ბარამია (ლელო), 5. ნიკოლოზ ჩხორთოლია (კლერმონი), 6. ლუკა გაბუნია (აია), 7. ლუკა საღინაძე (ლიონი, კაპ.), 8. მიხეილ შიოშვილი (ლელო).
მარქაფა: 16. დავით არჩვაძე (ლელო), 17. ლევან ეზიეშვილი (კლერმონი), 18. ნიკა კუმარიტოვი (ლოკომოტივი), 19. გიორგი მეფარიშვილი (აია), 20. იკა კვარაცხელია (ლელო), 21. დავით წიკლაური (ხვამლი), 22. ლუკა თვაური (ხვამლი), 23. საბა შარვაშიძე (აია), 24. ლეონიდე სალდაძე (ლოკომოტივი), 25. გიორგი არძენაძე (ჩაქვი), 26. თორნიკე ტორაძე (აია).
მთავარი მწვრთნელი: ზურაბ ამონაშვილი
მწვრთნელები: პაატა მაისურაძე, მიხეილ სუჯაშვილი
იტალია – პორტუგალია
ირლანდია – საფრანგეთი
ინგლისი – უელსი
3 აპრილი
უელსი – პორტუგალია
შოტლანდია – ინგლისი
საქართველო – საფრანგეთი
იტალია – ირლანდია
7 აპრილი
პორტუგალია – ირლანდია
საფრანგეთი – უელსი
ინგლისი – საქართველო
შოტლანდია – იტალია
