2023-2024 წლის სრკ-ს მიერ ორგანიზებულ ყველა დონის (კაცთა, ჭაბუკთა) შეჯიბრებებში მონაწილეობის მიღების მსურველი კლუბები (გუნდები) ვალდებულნი არიან 2023 წლის 27 ივნისამდე წარმოადგინონ სრკ-ს საშეჯიბრო დებულების დანართი #1-ს მიხედვით შედგენილი განცხადება (სრკ-ს მიერ ორგანიზებულ შეჯიბრებებში მონაწილეობის მიღების სურვილის შესახებ) და გამოაგზავნონ ელექტრონულად – სრკ-ს საშეჯიბრო კომიტეტში ელ.ფოსტა – siebi@rugby.ge
განცხადებას თან უნდა ერთვოდეს:
- კლუბის (გუნდის), როგორც იურიდიული პირის დამადასტურებელი დოკუმენტაცია (ამონაწერი მარეგისტრირებელი ორგანოს რეესტრიდან);
- კლუბის(გუნდის) წესდება;
- კლუბის(გუნდის) საბანკო რეკვიზიტები;
- კლუბის(გუნდის) ფაქტობრივი მისამართი;
- კლუბის(გუნდის) ელექტრონული ფოსტის მისამართი.
2023 – 2024 წლის სათამაშო სეზონზე სატრანსფერო პერიოდი განისაზღვროს 2023 წლის 28 ივნისიდან – 2023 წლის 28 ივლისის ჩათვლით.
2023 – 2024 წლის სათამაშო სეზონზე კაცთა ლიგებში (დიდი 10, პირველი ლიგა, რეგიონული ლიგა) კლუბის (გუნდის) მოთამაშეთა რეგისტრაციის პერიოდი განისაზღვროს 2023 წლის 28 ივლისიდან – 2023 წლის 11 აგვისტოს ჩათვლით. კლუბში (გუნდში) მინიმალური რეგისტრირებული მოთამაშეთა რაოდენობაა – 32 მოთამაშე (ესპუარების ყოლის შემთხვევაში 45).
ყურადღება – ჭაბუკთა „ა“ და „ბ“ ლიგის მოთამაშეების კლუბებში (გუნდებში) რეგისტრაციის პერიოდი განისაზღვროს 2023 წლის 28 ივლისიდან – 2023 წლის 21 აგვისტოს ჩათვლით. კლუბში (გუნდში) მინიმალური რეგისტრირებული მოთამაშეთა რაოდენობაა – 25 მოთამაშე.
რეგისტრაციისთვის აუცილებელი ყველა შესაბამისი დოკუმენტაცია გადაგზავნილი უნდა იქნას ელ.ფოსტის მისამართზე siebi@rugby.ge
ზემოაღნიშნული ვადების დაცვა სავალდებულოა.
