საქართველოს რაგბის კავშირი და ქართული რაგბის თემი, ყველა გულშემატკივარსა და სრულიად საქართველოს გილოცავთ ახალ, 2020 წელს!
მომავალი წელი ქართული რაგბისთვის საინტერესო იქნება. ბორჯღალოსნები ივნისში სამხრეთ აფრიკასთან, ხოლო ნოემბერში საფრანგეთთან ტესტ-მატჩებს გამართავენ. ამ გუნდებთან თითო-თითოჯერ გვითამაშია მსოფლიო თასზე, მის მიღმა კი პირველად მოვსინჯავთ ძალებს;
12-წლიანი შესვენების შემდეგ, საქართველოში ბრუნდება რაგბი ევროპის გრან პრის ერთი ეტაპი, რომლის ქალთა და კაცთა ტურნირებს ქუთაისი უმასპინძლებს;
საქართველო XV იანვარში მიემგზავრება არგენტინაში, სადაც ზე-რაგბის ‘ხაგუარესთან’ ორ თამაშს გამართავს;
შეიქმნება ქართული ფრანჩაიზი, რომელიც სამხხრეთ აფრიკის რაგბის კავშირთან გაფორმებული ურთიერთთანამშრომლობის ფარგლებში, ზაფხული ამ ქვეყნის შიდა ჩემპიონატში, ქარრის თასზე ითამაშებს;
უმცროსი ბორჯღალოსნები (20წ.) ზედიზედ მეხუთედ ითამაშებენ მსოფლიო რაგბის ახალგაზრდულ ჩემპიონატში;
18-წლამდელები გაემგზავრებიან ტურნეზე სამხრეთ აფრიკაში, მერე კი ევროპის ჩემპიონის ტიტულს დაიცავენ.
რაგბის კავშირი გისურვებთ ჯანმრთელობას, წარმატებებს და ბევრ სიხარულს!
რაგბი ჩვენი თამაშია!