რაგბი ევროპა 2024 წლის ჩემპიონატის ფინალური თამაშების ბილეთების გაყიდვას იწყებს.
ტურნირის 15-გზის გამარჯვებული საქართველოს გარდა, ესპანეთი, პორტუგალია, რუმინეთი, ნიდერლანდები, ბელგია, გერმანია და პოლონეთი, 17 მარტს პარიზში შეიკრიბებიან და „ჟან ბუენზე“ საბოლოო ადგილებს გაითამაშებენ. ეს პირველი შემთხვევაა, როდესაც ფინალური შეხვედრები ერთ კონკრეტულ ლოკაციაზე გაიმართება.
თამაშები ადგილობრივი დროით 12 საათზე დაიწყება და უპირველესად მე-7 ადგილოსანი გაირკვევა; 14:45-ზე იწყება მე-5 ადგილისთვის მატჩი; 18:15-ზეა ჩანიშნული ბრინჯაოს ფინალი; გრანდ-ფინალი კი 21:00 საათზე იწყება.
გაყიდვაშია ბილეთების სამი კატეგორია. პირველი პაკეტი 10-იდან 30 ევრომდე ღირს და ის მე-7 და მე-5 ადგილისთვის მატჩებზე დასწრებას ითვალისწინებს.
მეორე პაკეტი 15-იდან 35 ევრომდე ღირს და ის ბრინჯაოს და გრანდ-ფინალზე დასწრების უფლებას იძლევა.
გაერთიანებული პაკეტის ფასი, რომელიც ოთხივე თამაშზე დასწრებას მოიცავს 20-იდან 60 ევრომდე ღირს.
არის პრემიუმ-პაკეტიც, რომლის ღორებულება 45-იდან 90 ევრომდეა. ის ითვალისწინებს საუკეთესო ადგილს ტრიბუნებზე, სტადიონზე სპეციალური, პრივილიგირებული შესასვლელით მოხვედრას და ტერასაზე გასასვლელს.
ბილეთების ყიდვა შეგიძლია ამ მისამართზე: https://billetterie.stade.fr/fr/RECFinals
