20 წ | ხანმოკლე შეკრება ფრანგულ ტურნემდე

უმცროსი ბორჯღალოსნები 2020 წლის ახალგაზრდული მსოფლიო ჩემპიონატისთვის ემზადებიან, რომელიც 28 ივნისიდან 18 ივლისის ჩათვლით იტალიაში გაიმართება.

ილია მაისურაძის შეგირდებმა სექტემბრიდან დღემდე რამდენიმე შეკრება გაიარეს და დეკემბრის დასაწყისში სამხრეთ აფრიკის ნაკრებთან თბილისში ორი საკონტროლო მატჩიც გამართეს. 13 თებერვალს უმცროსი ბორჯღალოსნები „შევარდენის“ სანაკრებო ბაზაზე მორიგ, 3-დღიან შეკრებაზე შევიდნენ, რომლის მიზანი, საფრანგეთში გამგზავრებამდე წინა შეკრებებზე განვლილის განმეორებაა.

ამჟამად შეკრებაზე მხოლოდ ის მორაგბეები არიან, რომლებიც ქართულ კლუბებში თამაშობენ და ის 16 თებერვლამდე გაგრძლდება. გუნდი საფრანგეთში 21 თებერვალს მიემგზავრება და ჩრდილოეთში, ლილის მახლობლად დაბინავდება, სადაც 20-წლამდელთა ჩემპიონატის ბოლო ორი წლის გამარჯვებულ საფრანგეთთან ორი საკონტროლო მატჩი ექნება – 26 თებერვალს და 1 მარტს.

საფრანგეთში გუნდს რამდენიმე ლეგიონერი დაემატება, მოთამაშეთა ნაწილს კი მწვრთნელები მომდევნო ტურნეზე, სამხრეთ აფრიკაში დაიმატებენ, სადაც აპრილის ბოლოს გაემგზავრებიან.

შეკრებაზე არიან

შერკინება: ლუკა ახვლედიანი (არმაზი), მამუკა მსტოიანი (აკადემია), ნუგზარ სომხიშვილი (არმია), გიორგი ჭანია (ლელო-სარასენსი); გუგა ტაბატაძე (ლელო-სარასენსი), ლუკა პეტრიაშვილი (ხვამლი), საბა ხონელიძე (აია), გიორგი ტყეშელაშვილი (იუნკერები), ლევან სანიკიძე (არმაზი), ნიკა ნარმანია (არმაზი), ირაკლი პურიჭამიაშვილი (ხარები), ირაკლი მჭედლიძე (ლელო-სარასენსი); ვაჟა მაისურაძე (ყაზბეგი), გიორგი სინაურიძე (აია), ბექა ყორიაული (ლელო-სარასენსი), ლუკა კოხია (არმაზი), ლუკა ივანიშვილი (ჯიქი), დავით ლომიძე (ხარები), საბა კურტანიძე (ხვამლი), თორნიკე ზაქარიაძე (ლელო-სარასენსი), ანდრო ღარიბაშვილი (ხარები);

ხაზი: გიორგი მარგალიტაძე (ლელო-სარასენსი), გუგა მარგველაშვილი (აია), ლუკა მატკავა (არმაზი); სანდრო მარგიანი (აკადემია), სერგი ჩხაიძე (იუნკერები), ნიკა ცინცაძე (ხვამლი), ლაშა ლომიძე (აია), ირაკლი სიმსივე (აია), გივი ცინცაძე (არმაზი), ლუკა ხეხელაშვილი (ლელო-სარასენსი), ზაურ ლუტიძე (ხვამლი), დემურ თაფლაძე (ლელო-სარასენსი), ოთარ ლაშხი (ლელო-სარასენსი), თემურ კოხოძე (აია), ზურაბ ქავთარაძე (ხარები), ნიკოლოზ ძნელაძე (აია), დავით გობეჯიშვილი (აია), დავით ნინიაშვილი (ხვამლი).